कुसुम गजमेरले लेखेको र आशा भोसलेले पुरानो नेपाली फिल्म “सम्झना”मा
गाएको गीतले भन्छ, “के सोचे मैले, के भयो ऐले”।
प्रेमी र प्रेमिकाको वियोगान्त मर्मलाई झल्काउने गीत हो यो। प्रेमिकाको म ृत्युले उनीहरूका सपनालाई सदाको लागि
चुँडेर लान्छ। जे सोचेका थिए त्यो उनीहरूको
जीवनमा पूरा भएन। सम्झना मात्रै बाँकि रह्यो।
हो, जीवनमा सोचेका र चाहेका कुराहरू सबै पूरा भैदिए कति आनन्द! तर जीवन यस्तै छ, सोचेको भन्दा विपरितनै हुनगएको
जस्तो देखिन्छ। जवानीमा देखेका सपनाहरू अधबैंसे
जीवनमा बिराना लाग्न थाल्छन्। स्कूले वा ठिटौले
जीवनमा कसैले “तिमी ठूलो भएपछि के बन्न चाहन्छौ?” भनी सोध्दा प्राय सबैको जवाफ ‘डक्टर,
पाइलट, इन्जिनियर’, आदि जस्तै हुन्छ। ठूलो
भएपछि “ट्याक्सि ड्राइबर, डकर्मी, पाले, गोठालो हुन्छु” भनेर कसैले भनेको सुनिदैन। तर जब समय र परिस्थितिको कोलबाट पेलिएर जीवन निस्कन्छ
तब गन्तव्यले अर्कै मोड लिइसकेको हुन्छ। बुढेसकालमा
त जवानीमा देखेका सपनाहरू शत्रुजस्ता नै लाग्छन्।
मनका चाहनाहरू लुट्नको लागि कुनै चोर नै पल्केको पो थियो कि जस्तो लाग्छ!
अन्य र आफन्तलाई हेर्दा उनीहरूले चाहेका कुराहरू सजिलै प्राप्त
गर्छन् जस्तो लाग्छ तर आफ्नो कथा आफूलाई मात्र थाहा हुन्छ। शरीरमा स्वास्थ्य र हातमा सम्पत्ति हुँदासम्म आफन्त
र मित्रहरूको पनि कमी हुँदैन। तर जब सपनाहरूले
धोका दिन्छन्, भनेको र चाहेको जस्तो हुँदैन, तब आफन्त र मित्रहरूले पनि बाटो काट्छन्,
टाउको बटारेर देखेको पनि नदेखेको जस्तो गर्दछन्।
“के सोचे मैले, के भयो ऐले” भने जस्तै हुन्छ जीवन। के के नै गरौंला भनी सुरिएको व्यक्तिको जीवन पनि
अचानक साँघुरिनजान्छ र लाग्छ कि ऊ गुजारा गर्नको लागि मात्रै जन्मिएको हो। गुजाराकै लागि पानी-पँधेरो, घाँस-दाऊरा, गाउँ-सहर,
देश-विदेश गर्दा गर्दै कुनै दिन संसारबाट बिदा लिने दिनले पनि ढोकाको घण्टी नबजाउला
भन्न सकिँदैन। यो कस्तो जीवन? हिजो के सोचियो आज के भयो!
बाइबलले चाहिँ यसको ठिक विपरित भन्दछ कि मानिसले जे सोच्दछ ऊ त्यस्तै
बन्दछ (हितोपदेश २३:७)। मनोविज्ञानले पनि यो
तथ्यलाई प्रमाणित गर्दै आएको छ र भन्दछ कि मानिसले जे सोच्दछ त्यो बोल्छ। जे बोल्दछ त्यो गर्छ। जे गर्छ त्यो उसको बानी बन्छ। उसको बानी व्यवहार बन्दछ। उसको व्यवहारले चरित्र निर्माण गर्दछ र उसको चरित्रले
भविस्य (जीवन) निर्माण गर्दछ। मानिसको चरित्रले
नै उसले के सोचेको थियो र के हुनगयो भन्ने प्रश्नको जवाफ दिन्छ। कुनै मानिस अचानक चोर हुँदैन। चोरपन उसको मगजमा लामो समय सम्म बसेपछि एक दिन उसले
चोरी गर्दछ। त्यसरी नै असल र खराब मानिसको
मगजबाट निस्कने कुराहरू भएको कारण उसले जे सोचेको हुन्छ त्यसको परिणाम उसले भोग्दछ। होला, कहिले काहिँ उसले असल पनि सोच्दछ तर अधिकाङ्स
समय खराब, चिन्ता, डर, हार जस्ता कुराहरूलाई मगजमा ठाउँ दिएको कारण तिनै कुराहरू जीवनमा
वास्तविक हुनजान्छन्।
बाइबल भन्छ कि मानिसको सोच यति धेरै बिग्रिएको छ कि उसको मगजले
असल भन्दा खराब नै छान्दछ। “प ृथ्वीमा मानिसहरूको
दुष्टता बढी भएको र तिनीहरूका ह ृदयका विचारको जुनसुकै पनि भावना निरन्तर खराबै मात्र
भएको परमप्रभुले देख्नुभयो” (उत्तपत्ती ६:५) जसको कारण मानिसमाथि न्याय आइलाग्यो र
ऊ नाश हुनगयो।
तापनि, परमेश्वरले मानिसलाई औधी नै प्रेम गर्नुभयो र मानिसका सबै
दुष्टतालाई क्षमा गर्न आफै येशूमा मानिस बनेर आउनुभयो, मानिसका पापको लागि मर्नुभयो
र मुर्दाबाट बौरी उठेर पाप र म ृत्युबाट मानिसलाई सदाको लागि मुक्ति दिनुभयो। यस्तो प्रेमको अनुभव त्यो मानिसले मात्रै गर्न सक्छ
जसले आफ्ना पापको समाधान येशूमा पाएको हुन्छ।
जब उसका पाप येशूमा क्षमा हुन्छन् तब उसले जीवनमा सोचेको भन्दा पनि बढी सपनाहरू
पूरा भएको देख्न सक्छ भनेर बाइबलले हामीलाई बताएको छ। भनिएको छ कि “आँखाले नदेखेका र कानले नसुनेका र
मानिसले मनमा नसोचेका” कुराहरू परमेश्वरले उहाँलाई प्रेम गर्नेहरूका निम्ति तयार पार्नुभएको
छ (१कोरिन्थी २:९)।
मनमा सोचेको भन्दा पनि बढी, सपना देखेको भन्दा पनि महान काम त्यो
मानिसले गर्न सक्छ जसले येशूलाई चिनेको हुन्छ कारण त्यो दिने र देखाउने ऊ आफै होइन,
परमेश्वर हुनुहुन्छ। येशूले भन्नुभयो “माग
त पाउनेछौ, खोज त भेट्टाउनेछौ र घच्घचाओ त ढोका उघारिनेछ कारण जसले माग्छ त्यसले पाउनेछ”
(मत्ती ७:७)। जब हामी येशूमा विश्वासका साथ
माग्दछौं तब हामीले मागेको र सोचेको भन्दा पनि बढ्तागरी उहाँ दिनुहुन्छ (एफिसी ३:२०)।
त्यसकारण मित्र, येशू त्यो प्रेमिलो परमेश्वर हुनुहुन्छ जसले हाम्रो
जीवनलाई सोचेको भन्दा उत्तम बनाउन सक्नुहुन्छ।
यदि हामीले मानवीय सोचलाई बदलेर परमेश्वरीय सोच मनमा राख्यौं भने हामीले सोचेको
भन्दा उत्तम जीवन हामीले उपभोग गर्नेछौं कारण हाम्रा सोच सिमित हुन्छन् तर परमेश्वरका
सोच अती उच्चछन्। परमेश्वरको ममतालाई उल्लेख
गर्दै बाइबल भन्छ; “किनकि मेरा विचारहरू तिमीहरुका विचार होइनन्, र तिमीहरूका चाल मेरा
चाल होइनन्। जसरी आकाश प ृथ्वीभन्दा अल्गो
छ, त्यसरी नै मेरा चाल तिमीहरूका चालभन्दा र मेरा विचार तिमीहरूका विचारभन्दा अल्गा
छन्” (यशैया ५५:८-९)। परमेश्वरका विचारलाई
ग्रहण गर्ने मानिसको मनको चाहना पूरा हुनेछ भन्दै बाइबलले ठोकुवा गरेको छ; “परमप्रभुमा
आनन्दित होऊ, र उहाँले तिम्रो मनोरथ पूर्ण गर्नुहुनेछ” (भजनसंग्रह ३७:४)।
प्रभु येशूले भन्नुभयो, “तिमीहरू ममा रह्यौ भने, र मेरा कुरा
(वचन) तिमीहरूमा रहे भने, तिमीहरूलाई जे इच्छा लाग्छ माग, र त्यो तिमीहरूका निम्ति
गरिनेछ” (यूहन्ना १५:७)। त्यसकारण मित्र, चिन्ता,
डर, हार, हिनता, गरिबी, रोग, दुष्मनी, घ ृणा जस्ता हानीकारक कुराहरूलाई मनमा बस्न नदिनुहोस्। त्यसको सट्टा विश्वास, प्रेम, विजय, प्रशस्तता,
सफलता, आनन्द, फलिफाप, उन्नति, प्रगित, मित्रता जस्ता उत्तम विचारहरूलाई स्थान दिनुहोस्
र जीवनलाई रहलाग्दो बनाउनुहोस् कारण मानिसले जे सोच्दछ ऊ त्यस्तै बन्दछ।
